Ադրբեջանի դեսպանը հանդիպել է իրանցի դիվանագետների հետ

Իրանի Իսլամական Հանրապետությունում Ադրբեջանի Հանրապետության դեսպան Ալի Ալիզադեն հանդիպել է՝ Իրանի փոխարտգործնախարար Վահիդ Ջալալզադեի, Արտաքին գործերի նախարարության արձանագրության վարչության գլխավոր տնօրեն Ալի Աքբար Նազարիի ու Եվրասիայի վարչության գլխավոր տնօրեն Մանուչեհր Մուրադիի հետ։
 
APA-ի փոխանցմամբ, այս մասին X-ում գրել է Իրանում Ադրբեջանի դեսպանատունը։
 
Հանդիպմանը դեսպան Ալի Ալիզադեն ներկայացրել է՝ Թավրիզում Ադրբեջանի Հանրապետության նոր գլխավոր հյուպատոս Թալեհ Զոհրաբովին։
 
Հանդիպումների ընթացքում նրանք նաև մտքեր են փոխանակել՝ երկկողմ հարաբերությունների և փոխադարձ շահերի  շուրջ։
 
Հանդիպմանը գլխավոր հյուպատոս Թալեհ Զոհրաբովը՝ Իրանի Արտաքին գործերի նախարարության արձանագրության վարչության գլխավոր տնօրեն Ալի Աքբար Նազարիին է հանձնել իր հյուպատոսական արտոնագիրը։