Իրաքի կապի նախարարը ժամանել է Ադրբեջան

Իրաքի կապի նախարար, Իրաք-Ադրբեջան համատեղ հանձնաժողովի նախագահ Խայամ Էլ-Յասրին պաշտոնական այցով ժամանել է Ադրբեջան՝ երկու երկրների միջև ստորագրված համաձայնագրերի և փոխըմբռնման հուշագրերի իրականացման ընթացքը քննարկելու համար։
 
Իրաքյան լրատվամիջոցներին հղում անելով՝ Report-ը հայտնում է, որ այցի նպատակն է՝ ամրապնդել ռազմավարական գործընկերությունը տնտեսական և ներդրումային ոլորտներում, ինչպես նաև ուսումնասիրել կապի և թվային զարգացման ոլորտում համագործակցության նոր հնարավորությունները։
 
Իրաքի կապի նախարարությունում նշել են, որ Էլ-Յասրիի այցը ցույց է տալիս Բաղդադի հանձնառությունը՝ խորացնելու Ադրբեջանի հետ ռազմավարական գործընկերությունը և խթանելու տնտեսական ու  տեխնոլոգիական առաջընթացը խթանող համատեղ նախաձեռնությունները։