Ալիև. Ես միշտ ասել եմ, որ մենք ամեն գնով կվերականգնենք մեր տարածքային ամբողջականությունը

Դեռ 2003 թվականին, երբ առաջին անգամ ընտրվեցի Ադրբեջանի Հանրապետության նախագահի պաշտոնում, ես հայտարարեցի, որ ամեն գնով կվերականգնենք մեր տարածքային ամբողջականությունը, որ Ադրբեջանի տարածքային ամբողջականությունն ու ինքնիշխանությունը բանակցությունների առարկա չեն դառնալու: Եվ կյանքը ցույց տվեց դա:

Ինչպես հաղորդում է AZERTAC-ը, այս մասին Հաղթանակի օրվա կապակցությամբ ժողովրդին ուղղված ուղերձում ասել է նախագահ Իլհամ Ալիևը։

«Մենք պատրաստվում էինք, ստեղծեցինք հզոր բանակ, ապահովեցինք տնտեսական զարգացում»,- ընդգծել է երկրի ղեկավարը: «Մեր տնտեսական զարգացումը, քաղաքական մեծ կշիռը, վճռական ելույթը միջազգային ամբիոնից, ժողովրդի և իշխանությունների համախմբվածությունը, երիտասարդ սերնդի դաստիարակությունը, հասարակության մեջ հայրենասիրության ոգու ամրապնդումը, այս ամենը գործոններ են, որոնք մեզ տարան դեպի հաղթանակ: Եվ այս գործոնների ամբողջությունը հնարավոր դարձրեց հաղթանակը»։