Մենք կընդլայնենք մեր հնարավորությունները՝ ներդրումներ կատարելով կապի և տրանսպորտի ոլորտում. Ալիև

Ադրբեջանը վաղուց է որոշել իր արտաքին քաղաքականության առաջնահերթությունները: Միևնույն ժամանակ, այսօր մենք կամրջի դեր ենք խաղում Արևելքի և Արևմուտքի միջև։

AZERTAC-ի փոխանցմամբ՝ այս մասին հայտարարել է նախագահ Իլհամ Ալիևը Սլովակիայի նախագահ Պետեր Պելեգրինիի հետ համատեղ մամուլի ասուլիսում։

«Այսօր ենթակառուցվածքների, կապի և տրանսպորտի ոլորտներում մեր կատարած ներդրումները թույլ են տալիս Ադրբեջանին դառնալ Արևելք-Արևմուտք տրանսպորտային միջանցքի կարևոր մաս: Մենք ակտիվորեն մասնակցում ենք Միջին միջանցքի նախագծում: Կենտրոնական Ասիան Եվրոպայի հետ կապող ամենահուսալի և անվտանգ երթուղին անցնում է Ադրբեջանի տարածքով», - նշել է պետության ղեկավարը։