Առաջիկա օրերին Լաչինում կսկսի գործել հասարակական տրանսպորտ ԼՈՒՍԱՆԿԱՐ

«Լաչինում մի շարք աշխատանքներ են կատարվել բնակչության հարմարավետությունն ապահովելու համար։ Այսպես, առաջիկա օրերին այստեղ կսկսի գործել հասարակական տրանսպորտ»։

Այս մասին «Ազերթաջ»-ին հայտնել է «Բաքվի բարեկարգման ծառայություն» ՍՊԸ-ի ճարտարապետ Էլնուր Աբդուլլաևը։ Խոսելով Լաչինում ստեղծված պայմանների մասին՝ նա նշել է, որ ներկայումս քաղաքում ապրում է 1204 մարդ, իսկ առաջնահերթ խնդիրը բնակչությանը աշխատանքով ապահովելն է։

«Լաչինի կենտրոնում կառուցվել է 712 օբյեկտ, և այժմ աշխատանքները շարունակվում են։ Մասնավորապես, ներկայումս ընթանում է 75 ոչ բնակելի օբյեկտի, 628 առանձնատան և 9 բնակելի շենքի (144 բնակարանով) շինարարությունը։ Լաչինն ապահովված է նաև խմելու ջրով։ Այս ամիս նախատեսվում է Լաչին տեղափոխել 75 ընտանիք։ Ներկայումս Լաչինում գործող ձեռնարկություններում աշխատում է ավելի քան 430 բնակիչ»,- ասել է Էլնուր Աբդուլաևը։