Բայրամովը շնորհավորել է Նուրթլեուին

Փետրվարի 7-ին հեռախոսազրույց է տեղի ունեցել՝ Ադրբեջանի արտաքին գործերի նախարար Ջեյհուն Բայրամովի և Ղազախստանի փոխվարչապետ, արտաքին գործերի նախարար Մուրատ Նուրթլեուի միջև։

Այս մասին Caliber.Az-ին հայտնել են արտաքին գործերի նախարարությունից։

Ջեյհուն Բայրամովը շնորհավորել է Մուրատ Նուրթլեուին՝ Ղազախստանի փոխվարչապետ, արտաքին գործերի նախարարի պաշտոնում վերանշանակվելու կապակցությամբ և հաջողություններ մաղթել հետագա գործունեության մեջ։

Խոսելով Ադրբեջանի և Ղազախստանի միջև առկա երկկողմ և բազմակողմ համագործակցության օրակարգի մասին՝ Ջ.Բայրամովը վստահություն է հայտնել, որ երկու երկրների միջև բարեկամության, եղբայրության և համերաշխության վրա հիմնված հարաբերությունները կշարունակեն զարգանալ վերընթաց: