Բայրամովն ու Ջուրիչը քննարկել են գործընկերության և անվտանգության հարցեր

Ադրբեջանի և Սերբիայի արտգործնախարարներ Ջեյհուն Բայրամովը և Մարկո Ջուրիչը՝ երկուշաբթի Բելգրադում կայացած հանդիպմանը քննարկել են հարցերի լայն շրջանակ՝ ներառյալ երկու երկրների միջև ռազմավարական գործընկերության քաղաքական, տնտեսական, էներգետիկ և հումանիտար ասպեկտները, ինչպես նաև անվտանգության հարցեր։
 
Ինչպես հաղորդում է Caliber.Az-ը, այս մասին ասված է Ադրբեջանի ԱԳՆ հաղորդագրության մեջ։
 
Արտգործնախարարները գոհունակություն հայտնել են՝ երկու երկրների ինքնիշխանությանն ու տարածքային ամբողջականությանը փոխադարձ աջակցության, ինչպես նաև տարածաշրջանային և միջազգային հարթակներում արդյունավետ համագործակցության կապակցությամբ։
 
Բայրամովն իր սերբ գործընկերոջը տեղեկացրել է նաև՝ Ադրբեջանի և Հայաստանի միջև հարաբերությունների նորմալացման բանակցությունների առաջընթացի և խաղաղության օրակարգում մնացած մարտահրավերների մասին։