Ալեքսանդր Վիննիկով. Ադրբեջանը ՆԱՏՕ-ի հավատարիմ գործընկերն է

ՆԱՏՕ-ն ողջունում է կարգավորման գործընթացի վերջին քայլերը և աջակցում է Ադրբեջանի և Հայաստանի կողմից հարաբերությունների կարգավորման և մշտական խաղաղության համաձայնագրի հասնելու ուղղությամբ ձեռնարկվող բոլոր կառուցողական գործողություններին։

Այս մասին APA-ին տված հարցազրույցում հայտարարել է Հարավային Կովկասում ՆԱՏՕ-ի գրասենյակի ղեկավար Ալեքսանդր Վիննիկովը։

Նա նշել է, որ սա առանցքային նշանակություն ունի Սևծովյան տարածաշրջանի կայունության համար. «Մենք այս գործընթացի անմիջական մասնակից չենք, բայց միշտ բարձր ենք գնահատել և աջակցել մեր դաշնակիցների՝ հակամարտությունների կարգավորմանը նպաստող ջանքերին։ Մենք օգոստոսի 8-ին Վաշինգտոնում խաղաղության համաձայնագրի նախաստորագրումը համարում ենք կարևոր քայլ կայուն խաղաղության տանող ճանապարհին և տարածաշրջանում հաղորդակցությունների բացման համար։ Սա, իր հերթին, կամրապնդի տարածաշրջանային կայունությունն ու անվտանգությունը, ինչպես նաև ՆԱՏՕ-ի գործընկերությունը տարածաշրջանի պետությունների հետ»։

Ալեքսանդր Վիննիկովը նաև նշել է, որ Ադրբեջանը հավատարիմ գործընկեր է և համագործակցում է ՆԱՏՕ-ի դաշնակիցների և այլ գործընկեր երկրների հետ բազմաթիվ ոլորտներում, այդ թվում՝ անվտանգության և պաշտպանության բարեփոխումների, կիբերպաշտպանության և ահաբեկչության դեմ պայքարի ոլորտներում։