Տոկաևը՝ Ալիևի մասին. ֆիզիկապես ուժեղ է և վարպետորեն մարզվում է

Ղազախստանի նախագահ Կասիմ-Ժոմարտ Տոկաևը խոսել է ԱՊՀ առաջնորդների մարզական վիճակի մասին, մասնավորապես, նշելով Ադրբեջանի նախագահ Իլհամ Ալիևի ֆիզիկական պատրաստվածությունը։

Report-ի փոխանցմամբ՝ Տոկաևը այս մասին հայտարարել է  Turkistan թերթին տված հարցազրույցում։

Ղազախստանի առաջնորդի խոսքով՝ «Իլհամ Ալիևը ֆիզիկապես ուժեղ է և վարպետորեն մարզվում է»։

Խոսելով իր մյուս ԱՊՀ գործընկերների մասին՝ Տոկաևը նշել է, որ Ղրղզստանի նախագահ Սադիր Ժապարովը ֆուտբոլ է խաղում, Ուզբեկստանի նախագահ Շավքաթ Միրզիյոևը մարզվում է մարզասրահում, Հայաստանի վարչապետ Նիկոլ Փաշինյանը զբաղվում է հեծանվավազքով, իսկ Բելառուսի նախագահ Ալեքսանդր Լուկաշենկոն շարունակում է խաղալ հոկեյ։ «Ռահմոնը (Տաջիկստանի նախագահ Էմոմալի Ռահմոնը) նույնպես ունի գերազանց առողջություն, մարտիկ-նավաստու պատրաստվածություն»։

«Այնպես որ, մեր բոլոր գործընկերները գերազանց մարզավիճակում են», - հավելել է նա։