Ադրբեջանի և Ուզբեկստանի ԱԳՆ ղեկավարները հեռախոսազրույց են անցկացրել

Ուզբեկստանի և Ադրբեջանի արտաքին գործերի նախարարներ՝ Բախտիոր Սաիդովը և Ջեյհուն Բայրամովը հեռախոսազրույց են անցկացրել, որի ընթացքում՝ համագործակցության հետագա ամրապնդման  պատրաստակամություն են հայտնել:
 
Report-ի փոխանցմամբ, այս մասին Բախտիոր Սաիդովը հայտնել է իր Telegram ալիքում։
 
«Մենք անկեղծ և արդյունավետ հեռախոսազրույց անցկացրեցինք՝ Ադրբեջանի արտաքին գործերի նախարար Ջեյհուն Բայրամովի հետ։ Մեծ գոհունակությամբ նշեցինք՝ Ուզբեկստանի ու Ադրբեջանի միջև ռազմավարական գործընկերության և դաշնակցային հարաբերությունների դինամիկ զարգացումը 2025 թվականին։ Մենք վերահաստատեցինք մեր համատեղ հանձնառությունը՝ կատարելու ձեռք բերված պայմանավորվածությունները», - գրել է նա։
 
Սաիդովը նաև նշել է, որ կողմերը՝ համագործակցության հետագա ամրապնդման և բոլոր ոլորտներում փոխադարձ աջակցության պատրաստակամություն  են հայտնել։