Բաքվում կհավաքվեն օտարերկրյա օմբուդսմենները

COP29-ի շրջանակներում նոյեմբերին Բաքվում կանցկացվի միջազգային սիմպոզիում, որին կմասնակցեն՝ օտարերկրյա պետությունների օմբուդսմեններ և մարդու իրավունքների ազգային ինստիտուտներ:

Այս մասին Ալբանիայում՝ Տեղեկատվական հանձնակատարների XV միջազգային համաժողովում ասել է Ադրբեջանի օմբուդսմեն Սաբինա Ալիևան։

Նրա խոսքով, սիմպոզիումի շրջանակներում կքննարկվեն նաև տեղեկատվության հասանելիության հարցեր։

Իր ելույթի ընթացքում Սաբինա Ալիևան համաժողովի մասնակիցներին տեղեկացրել է նաև՝ տեղեկատվության հասանելիության իրավունքի պաշտպանությանն ու ապահովմանն ուղղված միջոցառումների, Ադրբեջանում այս ոլորտում իրականացվող կրթական միջոցառումների մասին։

Այցի ընթացքում օմբուդսմենը հանդիպումներ է ունեցել՝ Ալբանիայի արդարադատության նախարար Ուլսի Մանայի, խորհրդարանի փոխնախագահ Էրմոնելա Ֆելայ Վալիկայի և այլ պաշտոնատար անձանց հետ։