Երևանը պատրաստ է հետ կանչել Բաքվի դեմ ուղղված միջազգային հայցերը

Հայաստանը պատրաստ է հաշտության համաձայնագրի ստորագրումից հետո՝ հետ կանչել միջազգային ատյաններում Ադրբեջանի դեմ ներկայացված հայցերը։
 
Այս մասին «Արմենպրես»-ի հետ զրույցում ասել է  ՀՀ վարչապետ Նիկոլ Փաշինյանը։
 
«Ինչ վերաբերում է միմյանց դեմ ներկայացված  հայցերի հետ կանչելուն, ապա երբ խաղաղության պայմանագիր է կնքվում <...> այստեղ երկու նրբերանգ կա. Դրանցից մեկն այն է, որ պետք է հստակ հեռանկար լինի միջազգային ֆորումներում քննարկվող որոշ հումանիտար հարցեր երկկողմ ձևաչափով լուծելու համար, և երկրորդը՝ պետք է հստակ լինի, որ այլ հարցերի շուրջ վեճերը միջազգային հարթակներից հանելուց հետո, կողմերն այլևս չպետք է բարձրացնեն նույն խնդիրները և սրեն երկկողմ հարաբերությունների օրակարգը՝ դրանք վերածելով սրման մշտական ​​աղբյուրի»,- ասել է  Փաշինյանը։