Մեր անկեղծ ցավակցությունն ենք հայտնում Իսպանիայի ժողովրդին. Ադրբեջանի ԱԳՆ

Ադրբեջանի արտաքին գործերի նախարարությունը իր ցավակցությունն է հայտնել Իսպանիային երկաթուղային վթարի հետևանքով բազմաթիվ զոհերի կապակցությամբ։

Caliber.Az-ի փոխանցմամբ՝ արտաքին գործերի նախարարության Х սոցիալական ցանցի էջում արված գրառման մեջ ասվում է. «Խորապես վշտացած ենք Կորդովայում տեղի ունեցած գնացքների բախման լուրից, որը բազմաթիվ մարդկանց կյանք խլեց։ Մենք մեր անկեղծ ցավակցությունն ենք հայտնում զոհերի ընտանիքներին և Իսպանիայի ժողովրդին։ Վիրավորներին մաղթում ենք շուտափույթ ապաքինում»։