Թրամփ. Ադրբեջանի և Հայաստանի առաջնորդները իմ ընկերներն են

Միացալ Նահանգների նախագահի ներկայիս վարչակազմը կանխել է ութ պատերազմ, և այդ ցանկին շուտով կավելանա ևս մեկը։
 
Report-ի փոխանցմամբ, այս մասին հայտարարել էԱՄՆ նախագահ Դոնալդ Թրամփը՝ «Դավոսում Խաղաղության խորհրդի կանոնադրության» ստորագրման արարողությանը իր  ելույթում:
 
«Սա շատ հուզիչ օր է, որին մենք երկար ժամանակ սպասել ենք», - ասել է Թրամփը՝ բացելով միջոցառումը։
 
Թրամփը նաև ընդգծել է Մերձավոր Արևելքում խաղաղության կարևորությունը։ «Մենք կարգավորել ենք ութ պատերազմ, և կարծում եմ, որ ևս մեկը շուտով կկարգավորվի», - հավելել է նա՝ նկատի ունենալով Ուկրաինայում պատերազմը։
 
«Ես կարծում էի, որ սա հեշտ պատերազմ կլինի, բայց այն, թերևս, ամենադժվարը դարձավ», - նշել է նա՝ հավելելով, որ արդեն մեծ առաջընթաց է գրանցվել։
 
Թրամփը հայտարարել է, որ Ադրբեջանի և Հայաստանի առաջնորդները նրա ընկերներն են։
 
«Հայաստանը, Ադրբեջանը... այսինքն՝ այս առաջնորդներից շատերը դարձել են իմ ընկերները։ Նրանք այստեղ դարձել են իմ ընկերները», - ասել է Թրամփը։