Մեկ միլիոն դոլար արժողությամբ էլեկտրական սարքավորումներ. Ադրբեջանը հերթական մարդասիրական օգնություն է ուղարկել Ուկրաինա

Սումգայիթի տեխնոլոգիական պարկից ուղարկվել է՝ Ուկրաինային մարդասիրական օգնություն ցուցաբերելու  համար նախատեսված էլեկտրական սարքավորումների հերթական խմբաքանակ:
 
Report-իփոխանցմամբ, օգնությունը ուղարկվել է Էներգետիկայի նախարարության կողմից՝ նախագահ Իլհամ Ալիևի 2026 թվականի հունվարի 16-ի  կարգադրության համաձայն։
 
Մարդասիրական օգնությունը ներառում է 12 ցածր լարման վահանակ, 11 գեներատոր, 5 տրանսֆորմատոր և 27,000 մետր մալուխ և լար։
 
Ուկրաինական կողմի դիմումի հիման վրա կազմակերպված օգնության ընդհանուր արժեքը կազմում է 1 միլիոն դոլար։ Հիշեցնենք, որ Ադրբեջանն ավելի վաղ մարդասիրական օգնություն է ուղարկել Ուկրաինա՝ էլեկտրամատակարարումը վերականգնելու համար։ Ադրբեջանի կողմից Ուկրաինային տրամադրված մարդասիրական օգնության ընդհանուր արժեքը, ներառյալ վերականգնման և վերակառուցման օգնությունը, գերազանցել է 45 միլիոն դոլարը։