Ռադմիլա Շեկերինսկան այցելել է Ադրբեջան

ՆԱՏՕ-ի գլխավոր քարտուղարի տեղակալ Ռադմիլա Շեկերինսկան այցելել է Ադրբեջան։

Ըստ APA-ի՝ Շեկերինսկան այցելել է ADA համալսարան և հանդիպել համալսարանի պրոռեկտոր և Միլլի Մեջլիսի (Ազգային ժողով) պատգամավոր Ֆարիզ Իսմաիլզադեի հետ։

ՆԱՏՕ-ի գլխավոր քարտուղարի տեղակալը հանդիպել է նաև համալսարանի դասախոսների և ուսանողների հետ, որտեղ արդյունավետ քննարկումներ են տեղի ունեցել ՆԱՏՕ-ի և նրա հիմնական առաքելությունների, խաղաղության և անվտանգության ապահովման գործում Դաշինքի դերի, ինչպես նաև «Գործընկերություն հանուն խաղաղության» ծրագրի շրջանակներում Ադրբեջան-ՆԱՏՕ համագործակցության շուրջ:

Հանդիպմանն ընդգծվել է Ադրբեջանի ներդրումը որպես ակտիվ և հուսալի գործընկեր ՆԱՏՕ-ի գլխավորած խաղաղապահ գործողություններում, այդ թվում՝ դաշնակից ուժերին ցուցաբերված զգալի աջակցությունը Աֆղանստանում «Վճռական աջակցություն» առաքելության (RSM) վերջին փուլում անվտանգ տարհանման ընթացքում, ինչպես նաև երկրի ներդրումը Եվրոպայի էներգետիկ անվտանգության ապահովման գործում։