Իլհամ Ալիևը՝ 2026 թվականին «Զայեդի անվան մարդկային եղբայրության մրցանակի» դափնեկիրների շարքում

Արաբական Միացյալ Էմիրութձյունների շեյխ Զայեդի անվան հիմնադրամը հայտարարել է՝ «Զայեդի անվան  մարդկային եղբայրության մրցանակի» 2026 թվականի դափնեկիրների անունները։
 
AZERTAC-ի փոխանցմամբ՝ պարգևին արժանացծների շարքում է նաև՝ Ադրբեջանի Հանրապետության նախագահ Իլհամ Ալիևը։
 
Հիմնադրամի պաշտոնական կայքի տեղեկատվության համաձայն, մրցանակը շնորհվել է՝ «Ադրբեջանի Հանրապետության և Հայաստանի Հանրապետության միջև խաղաղության և միջպետական ​​հարաբերությունների հաստատման մասին համաձայնագրի» նախաստորագրման համար, որը վերջ դրեց Կովկասում երկարատև հակամարտությանը։
 
Դափնեկիրներին ընտրվել են անկախ միջազգային ժյուրիի կողմից, որը բաղկացած է երկխոսության և խաղաղ համակեցության ոլորտների հայտնի գործիչներից և փորձագետներից։

Ժյուրիի անդամ Մոհամմադ Աբդուլսալամը նշել է. «Այս տարի «Զայեդի անվան մարդկային եղբայրության» մրցանակի կոմիտեն ընտրել է՝ Հայաստանի և Ադրբեջանի միջև պատմական խաղաղության համաձայնագիրը։ Այս համաձայնագիրը մարմնավորում է Զայեդի մրցանակի առաքելությունն ու նպատակները՝ երկխոսության և համակեցության մշակույթի զարգացում։ Այս փաստաթուղթը համարվում է՝ համաշխարհային խաղաղության առաջխաղացման կարևորագույն  փուլը և դիվանագիտական ​​մեծ նվաճում»:
 
Մրցանակաբաշխության արարողությունը տեղի կունենա փետրվարի 4-ին Աբու Դաբիում։