Դեսպան. Ադրբեջանի մարդասիրական օգնությունը կարևոր նշանակություն ունի Ուկրաինայի համար

Բաքվում Ուկրաինայի դեսպան Յուրի Գուսևը հայտարարել է, որ Ադրբեջանի մարդասիրական օգնությունը  կարևոր նշանակություն ունի Ուկրաինայի համար։
 
Report-ի փոխանցմամբ՝ այս մասին նա ասել է.լրագրողներին:
 
«Ես ուզում եմ մեր շնորհակալությունն ու երախտագիտությունը հայտնել նախագահ Իլհամ Ալիևին և ամբողջ ադրբեջանական ժողովրդին։ Մենք գնահատում ենք ձեր աջակցությունը։ <...> Մարդասիրական օգնության փաթեթը շատ կարևոր է մեզ համար, հատկապես ձմռանը՝ մեր էներգետիկ ենթակառուցվածքների վրա ռուսական հարձակումներից հետո», - ասել է դեսպանը։
 
Նա նաև համերաշխություն է հայտնել ադրբեջանական ժողովրդին՝ «Սև հունվարի» իրադարձություններից հետ կապված (1990 թվականի հունվարի 20 - խմբ.)։
 
«Մենք միշտ համերաշխ ենք ադրբեջանական ժողովրդի հետ և միշտ աջակցում ենք Ադրբեջանի տարածքային ամբողջականությանը, ինքնիշխանությանը և ազատությանը», - ասել է նա։
 
Նշենք, որ այսօր Ադրբեջանից՝ Սումգայիթի տեխնոլոգիական պարկից մարդասիրական օգնության շրջանակներում Ուկրաինա է ուղարկվել էլեկտրական սարքավորումների հերթական խմբաքանակ։