Կոլոմինա. ՆԱՏՕ-ն ողջունում է Երևանի և Բաքվի միջև սահմանների սահմանազատման համաձայնագիրը

ՆԱՏՕ-ն ողջունում է Հայաստանի և Ադրբեջանի միջև սահմանների սահմանազատման մասին համաձայնագիրը:

Ինչպես հայտնում է Caliber.Az-ը, այս մասին իր X ցանցում գրել է՝ Հարավային Կովկասի և Կենտրոնական Ասիայի հարցերով ՆԱՏՕ-ի հատուկ ներկայացուցիչ Խավիեր Կոլոմինան։

Welcome the agreement between 🇦🇲 & 🇦🇿 on the 1991 Almaty declaration as the basis for border delimitation. Recognition of territorial integrity of both is a key principle. As SG @jensstoltenberg stated in his trip to the region #NATO strongly supports the normalisation efforts

— Javier Colomina (@JavierColominaP) April 22, 2024

«Մենք ողջունում ենք Հայաստանի և Ադրբեջանի միջև համաձայնագիրը, որը հիմնված է 1991 թվականի Ալմաթիի հռչակագրի վրա՝ որպես սահմանների սահմանազատման հիմք: Երկու երկրների տարածքային ամբողջականության ճանաչումը առանցքային սկզբունք է»,- ասել է Կոլոմինան։

Նա նշել է, որ ՆԱՏՕ-ի գլխավոր քարտուղար Յենս Ստոլտենբերգը՝ վերջերս տարածաշրջան կատարած այցի ժամանակ ասել է, որ դաշինքն ակտիվորեն աջակցում է՝ հայ-ադրբեջանական հարաբերությունների կարգավորմանն ուղղված ջանքերին։