Հայաստանի ԱԳՆ-ն բողոքի նոտա է հղել Բելառուսին

Հայաստանի արտաքին գործերի նախարարությունը բողոքի նոտա է հղել բելառուսական կողմին:

Ինչպես հայտնում է Caliber.Az-ը՝ հղում անելով հայկական ԶԼՄ-ներին, այս մասին ասել է ՀՀ ԱԳՆ մամուլի քարտուղար Անի Բադալյանը։

Նա նշել է, որ Բելառուսի ԱԳՆ խոսնակի՝ հունիսի 13-ի մեկնաբանության, մասնավորապես ՀՀ ներքին գործերին միջամտելու առնչությամբ բելառուսական կողմին ներկայացվել է բողոքի հայտագիր:

Հիշեցնենք, որ նախօրեին Բելառուսում Հայաստանի դեսպան Ռազմիկ Խումարյանը խորհրդակցությունների համար կանչվել էր Երևան, ինչին Բելառուսն արձագանքել էր՝ հետ կանչելով Հայաստանում իր դեսպանին։