Մևլանայի ստեղծագործությունների լիակատար ժողովածուն ներառված է ՅՈՒՆԵՍԿՕ-ի «Աշխարհի հիշողության» ռեեստրում

ՅՈՒՆԵՍԿՕ-ն հայտարարել է՝ 64 վավերագրական հավաքածուների «Աշխարհի հիշողության» ռեեստրում ներառելու մասին։ Այս տարի ավելացված հավաքածուները ներառում են սուֆի բանաստեղծ և փիլիսոփա Մևլանայի ստեղծագործությունների լիակատար ժողովածուն, որոնք համատեղ ներկայացրել են Գերմանիան, Բուլղարիան, Ուզբեկստանը, Իրանի Իսլամական Հանրապետությունը, Տաջիկստանը և Թուրքիան:

Այս մասին հայտնում է Caliber.Az-ը՝ ՅՈՒՆԵՍԿՕ-ի մամուլի կենտրոնին հղումով։

«Վավերագրական ժառանգությունը մարդկության ընդհանուր հիշողությունն է։ Այն պետք է պաշտպանված լինի հետազոտական նպատակներով և հասանելի լինի հնարավորինս շատ մարդկանց: Սա մեր ընդհանուր պատմության հիմնարար մասն է»,- ասել է ՅՈՒՆԵՍԿՕ-ի գլխավոր տնօրեն Օդրե Ազուլեն: