Պուտինը հրաժարվել է բանակցել Ուկրաինայի հետ

Ռուսաստանը մտադիր չէ երկխոսություն վարել Ուկրաինայի իշխանությունների հետ, որոնք հարձակումներ են կազմակերպում խաղաղ բնակչության և Ռուսաստանի Դաշնության միջուկային օբյեկտների վրա։

Այս մասին հայտարարել է ՌԴ նախագահ Վլադիմիր Պուտինը, փոխանցում է Գազետա ռու-ն։

«Բայց ինչ բանակցությունների մասին կարելի է առհասարակ խոսել այն մարդկանց հետ, ովքեր անխտիր հարձակվում են քաղաքացիական անձանց, քաղաքացիական ենթակառուցվածքների վրա, կամ փորձում են սպառնալիքներ ստեղծել միջուկային էներգիայի օբյեկտների համար», - հարցրել է Պուտինը Ուկրաինայի հետ սահմանին իրավիճակի վերաբերյալ խորհրդակցության ժամանակ:

Պուտինը նաև ասել է, որ այժմ գլխավոր խնդիրը թշնամուն դուրս բերելն է։ Հանդիպման տեսանյութը հրապարակվել է Կրեմլի Telegram ալիքում։