Ռուսաստանի Դաշնությունում հայկական 10 կոնյակից 9-ը խախտում է որակի չափանիշները
Ռուսական խանութներում վաճառվող հայկական կոնյակների գրեթե 90%-ը պարզվել է, որ անվտանգ չէ, միևնույն ժամանակ արտադրանքի գրեթե կեսը պարունակում է ոչ խաղողի սպիրտներ։ Այս մասին ասվում է «Հակակեղծարարություն» միջազգային ասոցիացիայի և Կոնյակի, ոգելից խմիչքների և ալկոհոլային արտադրանք արտադրողների միության համատեղ ուսումնասիրության մեջ, որին ծանոթացել է ՏԱՍՍ-ը։
Պարզաբանվում է, որ ուսումնասիրության համար ձեռք է բերվել ավելի քան 20 ապրանքանիշի կոնյակի 200 նմուշ հայաստանյան տասը խոշորագույն արտադրողներից։ Նմուշները ձեռք են բերվել Ռուսաստանի դաշնային մանրածախ ցանցերի մեծ մասի խանութներից և վերլուծության են հանձնվել՝ Համառուսական գիտահետազոտական ինստիտուտի գարեջրագործության, ոչ ալկոհոլային և գինեգործական արդյունաբերության անկախ լաբորատորիա:
«Ինչպես նշված է համապատասխան դիմումներում, Հայաստանից եկող կեղծ ալկոհոլային արտադրանքը պայմաններ է ստեղծում անբարեխիղճ մրցակցության և գների դեմպինգի համար։ «Եվ, հետևաբար, այն ստեղծում է՝ շուկայից շրջանառության բարեխիղճ մասնակիցներին դուրս մղելու վտանգ։ Էժան կեղծ ապրանքներն արդեն իսկ ծանր դրության մեջ են դնում հայրենական արտադրողին, և եթե մոտ ապագայում շարունակվի կեղծ ապրանքների ընդլայնումը ռուսական շուկա, ապա խոսքը գնալու է ռուս արտադրողի գոյատևման մասին»,- ասվում է նամակներում։