Երևանը, օգնելով Մոսկվային խուսափել պատժամիջոցներից, խորացնում է Ուկրաինայում հումանիտար ճգնաժամը Ադրբեջանական ոչ կառավարական կազմակերպությունները դիմել են ԵՄ-ին

Ադրբեջանի ոչ կառավարական կազմակերպությունները տարածել են հայտարարություն՝ լուրջ մտահոգություն հայտնելով Հայաստանի գործունեության վերաբերյալ, որը պայմաններ է ստեղծում ուկրաինական պատերազմի կապակցությամբ Ռուսաստանի դեմ սահմանված միջազգային պատժամիջոցներից խուսափելու համար։

Ինչպես հայտնում է Caliber.Az-ը, ուղերձը, ի թիվս այլոց, ուղղված է Եվրահանձնաժողովի նախագահ Ուրսուլա ֆոն դեր Լայենին, Եվրամիության արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելին և Եվրոպական Խորհրդի նախագահ Շառլ Միշելին:

Ուղերձում ընդգծվում է, որ արևմտյան երկրների կողմից սահմանված պատժամիջոցները նպատակ ունեն պատասխանատվության ենթարկել Ռուսաստանին և կանխել հումանիտար ճգնաժամը։ Իսկ Հայաստանի իշխանությունները, վարելով կեղծավոր քաղաքականություն, խախտում են միջազգային իրավունքի պահանջները և աջակցելով Ռուսաստանին պատժամիջոցներից խուսափելու հարցում, խորացնում են հումանիտար ճգնաժամը Ուկրաինայում։

«2021-2023 թվականներին Հայաստանի արտաքին առևտրի աշխարհագրական կառուցվածքի և ապրանքների ցանկի կտրուկ փոփոխությունը պայմանավորված է արևմտյան երկրների կողմից Ռուսաստանի Դաշնության դեմ կիրառվող պատժամիջոցներից խուսափելով։

Ռուսաստանի առաջին փոխվարչապետ Ալեքսեյ Օվերչուկը Ռուսաստանի և Հայաստանի միջև տնտեսական համագործակցության միջկառավարական հանձնաժողովի նիստում ասել է, որ երկու երկրների միջև արտաքին առևտրաշրջանառությունը 2024 թվականին կկազմի 14-16 միլիարդ դոլար։ Եթե այս կանխատեսումն իրականանա, ապա Հայաստանի և Ռուսաստանի Դաշնության միջև արտաքին առևտրաշրջանառությունը 2020 թվականի համեմատ կաճի մոտ 8 անգամ։ Այս աճը պայմանավորված է նրանով, որ չնայած Եվրամիության կողմից Ռուսաստանի Դաշնության դեմ պատժամիջոցների սահմանմանը, ԵՄ մի շարք երկրներ Հայաստանի միջոցով շարունակում են արտաքին առևտրային գործառնությունները Ռուսաստանի Դաշնության հետ»,- ասվում է ուղերձում։

Հաշվի առնելով վերոնշյալը, ադրբեջանական ՈԿԿ-ները կոչ են անում ԱՄՆ-ին և Եվրամիությանը ուժեղացնել վերահսկողությունը Հայաստանի առևտրային գործարքների նկատմամբ, նպատակաուղղված պատժամիջոցներ կամ առևտրային սահմանափակումներ սահմանել ցանկացած պետության նկատմամբ, որը նպաստում է պատժամիջոցներից խուսափելուն, այդ թվում՝ Հայաստանի: