Հիքմեթ Հաջիևը Բրյուսելում քննարկել է Ադրբեջան-ՆԱՏՕ համագործակցությունը

Ադրբեջանի նախագահի օգնական, նախագահի աշխատակազմի արտաքին քաղաքականության հարցերի բաժնի ղեկավար Հիքմեթ Հաջիևը՝ Բրյուսել կատարած այցի ընթացքում հանդիպել է ՆԱՏՕ-ում մի շարք երկրների դեսպանների հետ։

Այս մասին հաղորդում է Caliber.Az-ը, հղում անելով՝ ՆԱՏՕ-ում Ադրբեջանի առաքելության Х սոցիալական ցանցի էջին:
 
«Բրյուսել կատարած այցի շրջանակներում Ադրբեջանի նախագահի օգնական Հիքմեթ Հաջիևը կարևոր հանդիպում է անցկացրել՝ ՆԱՏՕ-ում Թուրքիայի, Սլովակիայի, Գերմանիայի, Կանադայի, Դանիայի, Բուլղարիայի, Լատվիայի, Լյուքսեմբուրգի, Միացյալ Թագավորության, Ռումինիայի, Լիտվայի, Բելգիայի, Լեհաստանի, Ֆրանսիայի, Էստոնիայի, Իտալիայի, Շվեդիայի և Ֆինլանդիայի ներկայացուցիչների, ինչպես նաև ՆԱՏՕ-ի կենտրոնակայանում քաղաքական հարցերով և անվտանգության քաղաքականության (PASP) գլխավոր քարտուղարի օգնական դեսպան Բորիս Ռուգեի հետ։
 
Հանդիպման ընթացքում հատուկ ուշադրություն է դարձվել՝ Հյուսիսատլանտյան խորհրդի դեսպանների վերջերս կատարած այցին և նախագահ Իլհամ Ալիևի հետ հանդիպմանը։
 
Կողմերը նաև լայնածավալ քննարկումներ են անցկացրել թեմաների լայն շրջանակի շուրջ, այդ թվում՝ Ադրբեջանի և ՆԱՏՕ-ի միջև հաջող գործընկերության և համագործակցության հեռանկարների, Դաշինքի գործունեության մեջ Ադրբեջանի ներդրման, այդ թվում՝ Եվրոպայի էներգետիկ անվտանգության ապահովման, ինչպես նաև տարածաշրջանային անվտանգությանը և հայ-ադրբեջանական հակամարտության խաղաղ կարգավորման օրակարգին վերաբերող հարցերի շուրջ», - ասվում է հրապարակման մեջ։