Թուրքիայի պաշտպանության նախարար. Մենք առաջընթաց ենք գրանցել Ադրբեջանի Զինված ուժերի ներուսժի ամրապնդման գործում

Մենք զգալի առաջընթաց ենք գրանցել՝ Ադրբեջանի Զինված ուժերի ներուժի ամրապնդման գործում համագործակցության մեջ: Այս առումով իրականացվում են՝ զինվորական անձնակազմի վերապատրաստման, օգնության և խորհրդատվական ծրագրեր:

«Ենի Շաֆակ»-ի հաղորդմամբ, այս մասին ահյտարարել է Թուրքիայի ազգային պաշտպանության նախարար Յաշար Գյուլերը՝ Անկարայում խորհրդարանի պլանավորման և բյուջեի հանձնաժողովի նիստում իր  ելույթում:
 
Որպես վերջին օրինակ՝ թուրք նախարարը մեջբերել է՝ Թուրքիայի և Ադրբեջանի միջև փոխադարձ պաշտպանական անվտանգության ամրապնդման մասին հուշագիրը, որը ստորագրվել է այս տարվա հուլիսին Ստամբուլում կայացած՝ IDEF 2025 միջազգային պաշտպանական արդյունաբերության ցուցահանդեսի շրջանակներում:
 
Այնուհետև Յ. Գյուլերը անդրադարձել է Ադրբեջանի և Հայաստանի միջև բանակցությունների թեմային՝ նշելով, որ Անկարան «բավարարված է՝ երկու երկրների ղեկավարների կողմից՝ Վաշինգտոնում կայացած հանդիպման ժամանակ խաղաղության ուղղությամբ  ցուցաբերված կամքով»:
 
«Աշխարհում աճող հակամարտությունների և ճգնաժամերի ժամանակաշրջանում այս քայլը հատկապես արժեքավոր է՝ Հարավային Կովկասում կայուն խաղաղության և կայունության համար: Մենք՝ համապարփակ խաղաղության համաձայնագրի արագ ստորագրման հույս ունենք», - ասել է Յ. Գյուլերը:
 
Թուրքիայի ազգային պաշտպանության նախարարը պատմել է նաև՝ Ադրբեջանի օկուպացիայից ազատագրված տարածքների ականազերծմանը թուրք մասնագետների մասնակցության մասին։ «Աղդամում, Հադրութում, Ջաբրայիլում և Լաչինում ականազերծվել է մոտավորապես 593,000 քառակուսի մետր տարածք», - ասել է նա։