Միլլի Մեջլիսը կքննարկի Թուրքիայի հետ փոխադարձ ռազմական անվտանգության ամրապնդման վերաբերյալ հուշագիրը

Ադրբեջանի Միլլի Մեջլիսը պատրաստվում է վավերացնել Թուրքիայի հետ փոխադարձ ռազմական անվտանգության մակարդակի բարձրացման վերաբերյալ փոխըմբռնման հուշագիրը։

Report-ի փոխանցմամբ՝ համապատասխան օրինագիծն այսօր քննարկվել է Միլլի Մեջլիսի պաշտպանության, անվտանգության և կոռուպցիայի դեմ պայքարի հանձնաժողովի առցանց նիստում։

Քննարկումներից հետո «Ադրբեջանի Հանրապետության պաշտպանության նախարարության և Թուրքիայի Հանրապետության ազգային պաշտպանության նախարարության միջև փոխադարձ ռազմական անվտանգության ամրապնդման վերաբերյալ փոխըմբռնման հուշագրի» վավերացման մասին օրենքի նախագիծը ներկայացվել է խորհրդարանի քննարկմանը։