Հիքմեթ Հաջիևը Նիդեռլանդների դեսպանի հետ քննարկել է երկկողմ հարաբերությունները

Նոյեմբերի 26-ին Ադրբեջանում Նիդեռլանդների դեսպան Մարիան դե Յոնգը հանդիպել է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի հետ։

Ինչպես տեղեկացնում է Caliber.Az-ը՝ հղում անելով դեսպանատան Facebook-ի էջին, հանդիպմանը քննարկվել են Ադրբեջանի և Եվրամիության միջև քաղաքական և տնտեսական համագործակցությունը, ինչպես նաև տարածաշրջանային հարցեր։

Կողմերը քննարկել են նաև Նիդեռլանդների և Ադրբեջանի միջև երկկողմ հարաբերությունների հետագա ամրապնդման հեռանկարները։