Վերլուծաբան Այվազյան. Հայ զինվորները կռվելու են Ռուսաստանի դեմ

«Ես արդեն ասել եմ, որ եթե այսպես շարունակվի, մենք չպետք է զարմանանք, որ հայ զինվորականները հայտնվեն ռուս զինվորների դեմ պատերազմում, այսինքն՝ հայ սպաներն ու զինվորները հայտնվեն Ռուսաստանի հետ հակամարտության մեջ։ Որովհետեւ Արևմուտքն ու ՆԱՏՕ-ն չեն ցանկանում իրենք կռվել Ռուսաստանի դեմ»։

Ինչպես հայտնում է Caliber.Az-ը, այս մասին հայկական ԶԼՄ-ներին տված հարցազրույցում ասել է՝ «Լույս» վերլուծական կենտրոնի ղեկավար Հայկ Այվազյանը։

«Նրանք սում են՝ ինչու մենք պետք է կռվենք Ռուսաստանի դեմ, թող մյուս ժողովուրդները կռվեն։ Գիտեք, Ֆրանսիան իր արժանապատվությունից ցածր է համարում գալ ու պաշտպանել հայերին։ Ասում են՝ ովքե՞ր են հայերը, որ ֆրանսիացի զինվորն իր կյանքը վտանգի ենթարկի։ Որովհետև Արևմուտքի համար մյուս ժողովուրդները երկրորդ կամ երրորդ կարգի մարդիկ են: Դրանք գաղութային պետություններ են։ Ուստի ո՛չ ամերիկացին, ո՛չ անգլիացին, ո՛չ ֆրանսիացին պատիվ չեն համարում գալ ու արյուն թափել հայերի համար կամ վտանգել իրենց կյանքը հանուն հայերի։

Ավելին, ՆԱՏՕ-ն ասում է, որ իրենք չեն ցանկանում կռվել Ռուսաստանի դեմ, քանի որ գիտեն, որ հաղթող չի լինելու։ Ընդհակառակը, նրանք կպարտվեն, քանի որ դա կհասնի միջուկային առճակատման, և ՆԱՏՕ-ն կասի, որպեսզի նրանց չոչնչացնեն, և նրանք կգնանան բանակցությունների։ Ուստի նրանք չեն ուզում կռվել Ռուսաստանի դեմ և ասում են՝ թող գնան ուկրաինացիները, հայերը, վրացիները, ադրբեջանցիները, ղազախները։ Հենց այդ նպատակով է, որ Արևմուտքը Ռուսաստանի շուրջը նախապատրաստում է տարբեր երկրների ժողովուրդներին, որպեսզի նրանք մոտիվացվեն՝ պայմաններ ստեղծելով նրանց օգտագործելու Ռուսաստանի դեմ պատերազմում»,- հայտարարել է Այվազյանը։