Փաշինյանի տեղակալ. Հայաստանը մտադիր չէ փոխել սահմանադրությունը

Հայաստանը մտադիր չէ ադրբեջանական կողմի պահանջով փոխել սահմանադրությունը:

ՏԱՍՍ-ի փոխանցմամբ՝ ճեպազրույցում նման հայտարարություն է արել՝ վարչապետ Նիկոլ Փաշինյանի կուսակցության փոխնախագահ և Հայաստանի էկոնոմիկայի նախարար Գևորգ Պապոյանը։

«Հայաստանի Հանրապետությունը կարող է փոխել իր սահմանադրությունը Հայաստանի քաղաքացիների որոշմամբ: Հայաստանի Հանրապետությունը ոչ մի երկրի պահանջով չի փոխի իր սահմանադրությունը՝ փոխել-չփոխելը Հայաստանի Հանրապետության ներքին գործն է»,- ասել է նա՝ ի պատասխան Բաքվի կողմից համապատասխան պահանջի առկայության մասին լրագրողի խոսքերին: