Փաշինյանը ՄԱԿ-ի ամբիոնից խնդրել է Ադրբեջանին ցույց տալ Հայաստանի քարտեզը Եվ կրկին բողոքել է միջազգային կազմակերպություններին

ՀՀ վարչապետ Նիկոլ Փաշինյանը ՄԱԿ-ի Գլխավոր վեհաժողովում ունեցած իր ելույթում Ադրբեջանին կոչ է արել ցույց տալ Հայաստանի քարտեզը:

Ինչպես տեղեկացնում է Caliber.Az-ը՝ այս մասին գրում են հայկական լրատվամիջոցները:

«Օրինակ՝ խաղաղության պայմանագրի կարևորագույն կետերից մեկը Հայաստանի և Ադրբեջանի միջև տարածքային ամբողջականության երկկողմ ճանաչումն է։ Մենք արդեն հայտարարել ենք, որ պատրաստ ենք դա անել, բայց Ադրբեջանը մինչ այժմ դա չի արել։

Այս կապակցությամբ ես պաշտոնական և հրապարակային հարց եմ ուղղում Ադրբեջանի նախագահին. կարո՞ղ եք ցույց տալ Հայաստանի քարտեզը, որը ճանաչում եք կամ պատրաստ եք ճանաչել որպես Հայաստանի Հանրապետություն։

Եթե Ադրբեջանը ճանաչի Հայաստանի տարածքային ամբողջականությունը, ոչ թե տեսականորեն, այլ կոնկրետ, ես նկատի ունեմ մեր միջազգայնորեն ճանաչված 29800 քառակուսի կիլոմետր տարածքի ամբողջականությունը, կնշանակի, որ մենք կարող ենք խաղաղության պայմանագիր կնքել՝ փոխադարձաբար ճանաչելով միմյանց տարածքային ամբողջականությունը», - ասել է Փաշինյանը։

Օգտվելով ՄԱԿ-ի Գլխավոր ասամբլեայի ամբիոնից՝ ՀՀ վարչապետը կրկին դժգոհել է Ադրբեջանից և կոչ արեկ միջազգային դիտորդական առաքելություն իրականացնել հայ-ադրբեջանական սահմանին։

«Ադրբեջանի կողմից նոր ագրեսիայի հավանականությունը մնում է մեծ»,- ասել է Փաշինյանը։