ՌԴ ԱԳՆ-ն կոչ է արել Երևանին և Բաքվին՝ «վերլուծել զինվորականների մահապատիժների տեսաերիզները՝ ռազմական հանցագործությունների հատկանիշներով»

Տարածաշրջան  03 0Հոկտեմբերի 2022 - 19:41

ՌԴ ԱԳՆ-ն հանդես է եկել մեկնաբանությունով՝ կոչ անելով Երևանին և Բաքվին «անհապաղ վերլուծել զինվորականների մահապատիժների տեսագրությունները՝ ռազմական հանցագործությունների հատկանիշներով»։

Այս մասին հայտնում է Caliber.Az-ը՝ հղում անելով ՌԴ ԱԳՆ պաշտոնական կայքին։

«Այս տեսանյութերը լի են ծայրահեղ դաժանության կադրերով: Միջազգային մարդասիրական իրավունքի խախտման բոլոր դեպքերը պետք է մանրակրկիտ հետաքննվեն։ Մենք կոչ ենք անում Ադրբեջանի և Հայաստանի իշխանություններին՝ անհապաղ կատարել այս տեսանյութերի համապարփակ խորը վերլուծություն, այդ թվում՝ ռազմական հանցագործությունների հատկանիշներով։ Եթե փաստերը հաստատվեն, բոլոր մեղավորները պետք է պատասխանատվության ենթարկվեն օրենքի ողջ խստությամբ։

Ռուսաստանը շարունակում է լուրջ ջանքեր գործադրել տարածաշրջանում իրավիճակը բարելավելու ու Բաքվի և Երևանի միջև հարաբերությունները կարգավորելու համար։ Մենք ելնում ենք նրանից, որ խաղաղությունն այլընտրանք չունի։ Մենք պատրաստ ենք կողմերին ցուցաբերել անհրաժեշտ աջակցություն»,- նշվում է ՌԴ ԱԳՆ պաշտոնական ներկայացուցիչ Մարիա Զախարովայի՝ մամուլի համար մեկնաբանության մեջ:

Caliber.Az

Դիտումներ: 189