Թուրքիայում երկրաշարժից տուժել է 13,5 միլիոն քաղաքացի Նախարարի հայտարարությունը

Թուրքիայի կառավարության տվյալներով՝ երկրաշարժն ուղղակիորեն ազդել է Թուրքիայի բնակչության 16%-ի վրա։

Այս մասին հայտարարել է՝ շրջակա միջավայրի, ուրբանիզացիայի և կլիմայի փոփոխության նախարար Մուրատ Քուրումը, փոխանցում է Habere Guven հրատարակությունը։

«Սա անմիջականորեն ազդել է տարածաշրջանի մեր 10 մարզերի վրա: Մարզերը իրար մոտ են, խցանումներ կան ճանապարհներին և մարզերից օգնություն չի կարելի ստանալ։ Գործընթացը, որում մենք ապրում ենք, ամենամեծ աղետն է, որ մենք ապրել ենք վերջին հարյուրամյակում»,- ասել է նախարարը։

«Եթե նայեք բնակչության թվաքանակին, ապա այս երկրաշարժն ուղղակիորեն ազդել է մեր 13,5 միլիոն քաղաքացիների վրա։ Այն շենքերը, որոնք փոքր-ինչ վնասվել էին առաջին երկրաշարժից, երկրորդ երկրաշարժից հետո, ցավոք, քանդման վիճակում են»,-նշել է նա։

Թուրքիայում ապրում է մոտ 85 միլիոն բնակիչ, ուստի տուժածները կազմում են բնակչության մոտ 16 տոկոսը։