Խոշբախտ Յուսիֆզադե. Ադրբեջանը որպես շահույթ ստացել է արդյունահանվող նավթի 60 տոկոսը

Կասպից ծովի ադրբեջանական հատվածում գտնվող «Ազերի-Չըրագ-Գյունեշլի» (ԱՉԳ) նավթագազային հանքավայրից արդյունահանվել է 570 մլն տոննա նավթ և 205 մլրդ խմ բնական գազ։

Ինչպես հաղորդում է Caliber.Az-ը, այս մասին ասել է՝ Ադրբեջանի Պետական նավթային ընկերության (SOCAR) առաջին փոխնախագահ Խոշբախտ Յուսիֆզադեն՝ ելույթ ունենալով համազգային առաջնորդ Հեյդար Ալիևի 100-ամյակին նվիրված միջոցառմանը։

Հ.Յուսիֆզադեն ընդգծել է, որ այդ հանքավայրերում արտադրված նավթի 60%-ը կամ 345 մլն տոննա վաճառվել է որպես Ադրբեջանի շահութաբեր նավթ, ինչը մեծ խթան է հաղորդել երկրի տնտեսության զարգացմանը։

SOCAR-ի առաջին փոխնախագահը հայտարարել է, որ «Դարի պայմանագիրը» Հեյդար Ալիևի առաջին գլուխգործոցն է. «Դարի պայմանագրի ստորագրմամբ բոլոր երկրները, բոլոր ընկերությունները հասկացան, որ Ադրբեջանը կայուն երկիր է։ Այստեղ կարելի է աշխատել: Պատահական չէ, որ այս Պայմանագրից հետո ստորագրվել է 35 պայմանագիր։ «Դարի պայմանագիրը» տնտեսական մեծ նշանակություն ունի։