«Air Astana»-ն Ատիրաուից իրականացրել է առաջին չվերթը դեպի Բաքու

Մայիսի 31-ին Հեյդար Ալիևի անվան միջազգային օդանավակայանում տեղի է ունեցել ղազախական «Air Astana» ավիաընկերության Ատիրաուից դեպի Բաքու առաջին չվերթի դիմավորման հանդիսավոր արարողությունը։

Ինչպես հաղորդում է Caliber.Az-ը, այս մասին կիրակի օրը հայտնել է Ադրբեջանում Ղազախստանի դեսպանատան մամուլի ծառայությունը։

Առաջին ուղևորներին դիմավորել են դիվանագիտական առաքելության ղեկավար Ալիմ Բայելը, «Air Astana»-ի ներկայացուցիչները և Բաքվի օդանավակայանի ղեկավարությունը։ Ատիրաուից Բաքու ժամանողներին դիմավորել են դոմբրայի հնչյուններով և ղազախական խոհանոցի ուտեստներով։

Դեսպանը նշել է, որ երկրների միջև հարաբերությունների ինտենսիվության ցուցիչներից մեկը նրանց միջև չվերթների քանակն է։