Թբիլիսիի հեռուստաաշտարակն ու «Խաղաղության կամուրջը» ներկված են Ադրբեջանի դրոշի գույներով ԼՈՒՍԱՆԿԱՐ

Մայիսի 28-ին Թբիլիսիի ամենաբարձր վայրում տեղակայված՝ Մտածմինդա այգում գտնվող հեռուստաաշտարակը և Կուր գետի վրա գտնվող «Խաղաղության կամուրջը» ներկվել են Ադրբեջանի դրոշի գույներով։

Ազերթաջի փոխանցմամբ՝ հեռուստաաշտարակն ու կամուրջը ներկվել են Ադրբեջանի պետական դրոշի գույներով՝ մայիսի 28-ի ազգային տոնի՝ Ադրբեջանի անկախության օրվա կապակցությամբ։

Վառ, տպավորիչ տեսարանը դիտել են՝ Վրաստանի մայրաքաղաքի բնակիչները և հյուրերը, համալսարանների ուսանողները, քաղաքի հասարակության ներկայացուցիչները, ինչպես նաև Վրաստանում Ադրբեջանի դեսպան Ֆաիգ Գուլիևը և դիվանագիտական ներկայացուցչության աշխատակիցները, Վրաստանի Ադրբեջանցի գործարարների միության (AZEBI) խորհրդի նախագահ Նարիման Գուրբանովը, SOCAR-ի վրացական ներկայացուցչության աշխատակիցները և նրանց ընտանիքների անդամները: