Էրդողանն ու Ալիևը քննարկել են Ղարաբաղի շրջանում իրականացված հակաահաբեկչական միջոցառումների արդյունքները

Թուրքիայի նախագահ Ռեջեփ Թայիբ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ:

«Անադոլու»-ի փոխանցմամբ՝ այս մասին հայտնում է Թուրքիայի նախագահի աշխատակազմը։

Նշվում է, որ երկու երկրների առաջնորդները քննարկել են Ղարաբաղի շրջանում Ադրբեջանի կողմից իրականացվող հակաահաբեկչական միջոցառումների արդյունքները։

Էրդողանը ևս մեկ անգամ հայտարարել է, որ Թուրքիան լիովին աջակցում է Ադրբեջանի դիրքորոշմանը:

«Պետությունների ղեկավարները մտքեր են փոխանակել նաև տարածաշրջանային օրակարգի արդիական հարցերի շուրջ»,- ասվում է հաղորդագրության մեջ։