Կրեմլում մեկնաբանել են Հայաստանում իրավիճակի վատթարացումը

ՌԴ նախագահի մամուլի քարտուղար Դմիտրի Պեսկովն ասել է, որ ներկայումս տարբեր մակարդակներով երկխոսություններ են ընթանում Հայաստանում ստեղծված իրավիճակի շուրջ։

Gazeta.ru-ի փոխանցմամբ՝ այս մասին լրագրողների հետ ճեպազրույցի ժամանակ հայտարարել է Կրեմլի ներկայացուցիչը։

Նրա խոսքով՝ Մոսկվան շարունակում է երկխոսությունը կողմերի հետ տարբեր մակարդակներում, «Հայաստանի հետ, հատկապես այս դժվարին օրերին»: Նա հիշեցրել է, որ սեպտեմբերի 20-ին տեղի է ունեցել Ռուսաստանի նախագահ Վլադիմիր Պուտինի հեռախոսազրույցը վարչապետ Նիկոլ Փաշինյանի հետ։

«Դուք գիտեք, որ մեր երկրում ավելի շատ հայեր են ապրում, քան բուն Հայաստանում, զգալիորեն ավելի շատ։ Մենք կշարունակենք կատարել մեր գործառույթները, կշարունակենք երկխոսությունը նաև հայկական կողմի, այդ թվում ՝ Փաշինյանի հետ», - ասել է Պեսկովը: