Իլհամ Ալիևը շնորհավորել է Ռումինիայի նախագահին

Ադրբեջանի նախագահ Իլհամ Ալիևը շնորհավորական նամակ է հղել Ռումինիայի նախագահ Կլաուս Վերներ Իոհանիսին։

Ինչպես հաղորդում է Caliber.Az-ը՝ հղում անելով ադրբեջանական պետության ղեկավարի մամուլի ծառայությանը, նամակում ասվում է.

«Ադրբեջանա-ռումինական հարաբերությունները լավ ավանդույթներ ունեն: Մեր միջպետական հարաբերությունների զարգացման ներկա մակարդակը և օրեցօր ընդլայնումը, որոնք հստակ արտացոլում են այդ ավանդույթները, գոհունակություն են առաջացնում։

Այսօր լավ հնարավորություններ կան մեր երկրների միջև կապերի հետագա խորացման և փոխշահավետ համագործակցության համար։ Հավատում եմ, որ բարձր և ամենաբարձր մակարդակներով վերջին փոխայցելությունները, կանոնավոր շփումները նշանակալի ներդրում կունենան մեր ռազմավարական գործընկերության ամրապնդման, քաղաքական, տնտեսական, էներգետիկ, տրանսպորտային, հումանիտար և այլ ոլորտներում փոխգործակցության լայն ներուժի առավել արդյունավետ օգտագործման գործում»։