Էրդողանը Ալիևին. Թուրքիան միշտ և բոլոր հարցերում եղբայրական Ադրբեջանի կողքին է

Հուլիսի 4-ին Ադրբեջանի նախագահ Իլհամ Ալիևը Խանքենդիում հանդիպել է՝ Թուրքիայի նախագահ Ռեջեփ Թայիբ Էրդողանի հետ։
 
Ինչպես հաղորդում է Caliber.Az-ը, այս մասին տեղեկատվությունը տեղադրվել է՝ Ադրբեջանի Հանրապետության ղեկավարի պաշտոնական կայքում։
 
Ռեջեփ Թայիբ Էրդողանը ընդգծել է՝ Տնտեսական համագործակցության կազմակերպության 17-րդ գագաթնաժողովի անցկացման բարձր մակարդակը։
 
Իլհամ Ալիևը շնորհակալություն է հայտնել Թուրքիայի նախագահին գագաթնաժողովին մասնակցելու համար։

Զրույցի ընթացքում նշվել է, որ մեր երկրների միջև եղբայրական հարաբերություններն ու ռազմավարական դաշինքը հաջողությամբ զարգանում են բոլոր ոլորտներում։
 
Ռեջեփ Թայիբ Էրդողանը ևս մեկ անգամ ընդգծել է, որ եղբայրական Թուրքիան միշտ եղբայրական Ադրբեջանի կողքին է բոլոր հարցերում։ Թուրքիայի նախագահը նշել է, որ միշտ եղել է այդպես, այսուհետ էլ  այդպես կլինի:
 
Իլհամ Ալիևը շնորհակալություն է հայտնել Ռեջեփ Թայիբ Էրդողանին այս խոսքերի համար և իր հերթին նշել է, որ Ադրբեջանը նույնպես միշտ եղբայրական Թուրքիայի կողքին է՝ թե՛ ուրախության, թե՛ դժվար օրերին։