Պեսկով. Ռուսական բազան դուրս բերելու Հայաստանի ցանկության մասին ազդանշաններ չկան

Ռուսաստանի նախագահ Վլադիմիր Պուտինը և Հայաստանի վարչապետ Նիկոլ Փաշինյանը պետք է խոսեն «կարճաժամկետ հեռանկարում»։

Ինչպես հաղորդում է «Կոմերսանտ»-ը, այս մասին լրագրողներին հայտնել է՝ ՌԴ նախագահի մամուլի քարտուղար Դմիտրի Պեսկովը։

Հարցին, թե մտավախություն կա՞, որ Երևանը կպահանջի Հայաստանից դուրս բերել 102-րդ ռուսական ռազմակայանը, նա նշել է. «Այս առումով ոչ մի ազդանշան չի եղել»:

«Մենք ակնկալում ենք, որ կարճաժամկետ հեռանկարում նախագահ Պուտինն ու վարչապետ Փաշինյանը հնարավորություն կունենան քննարկել այս և, անհրաժեշտության դեպքում, այլ հրատապ հարցեր», - մամաուլի ասուլիսի ժամանակ ասել է Կրեմլի ներկայացուցիչը։

Նա չի հստակեցրել, թե երբ կարող են տեղի ունենալ երկու երկրների ղեկավարների շփումները։