Ջեյհուն Բայրամովը հանդիպել է Հյուսիսային Մակեդոնիայի ԱԳՆ ղեկավարի հետ

Քաղաքականություն  20 Մայիսի 2022 - 17:15

Իտալիայի Թուրին քաղաքում Եվրոպայի խորհրդի Նախարարների կոմիտեի 132-րդ նիստի շրջանակներում՝ Ադրբեջանի արտգործնախարար Ջեյհուն Բայրամովը հանդիպել է՝ Հյուսիսային Մակեդոնիայի արտգործնախարար Բույար Օսմանիի հետ։

Այս մասին Caliber.Az-ին հայտնել են Ադրբեջանի արտաքին գործերի նախարարությունից։

Հանդիպմանը գոհունակություն է հայտնվել երկու երկրների միջև առկա հարաբերությունների մակարդակից, պայմանավորվածություն է ձեռք բերվել շարունակել երկխոսությունը հարաբերությունների հետագա զարգացման համար՝ քաղաքական խորհրդատվությունների մեխանիզմի հիման վրա։ Հանդիպմանը նշվել է, որ Ադրբեջանի և Հյուսիսային Մակեդոնիայի միջև տնտեսական կապերի զարգացման մեծ ներուժ կա, և ընդգծվել է այդ ներուժի օգտագործման կարևորությունը։

Ջ.Բայրամովը իր գործընկերոջը տեղեկացրել է տարածաշրջանում տիրող վերջին իրավիճակի մասին, խոսել Հայաստանի կողմից Ադրբեջանի դեմ շուրջ 30 տարի վարած ագրեսիվ քաղաքականության ծանր հետեւանքների, ինչպես նաեւ 44-օրյա Հայրենական պատերազմից հետո տարածաշրջանում ստեղծված նոր իրավիճակի, և տարածաշրջանում խաղաղության ու անվտանգության հաստատման ուղղությամբ Ադրբեջանի ձեռնարկած քայլերի մասին։

Հանդիպմանն ընդգծվել է՝ Ադրբեջանի ածխաջրածնային պաշարների նշանակությունը Եվրոպայի համար՝ էներգետիկ ռեսուրսների դիվերսիֆիկացման և էներգետիկ անվտանգության տեսանկյունից։

Կողմերը պայմանավորվել են փոխայցելություններ կատարել երկու երկրների միջև հարաբերությունների հետագա զարգացման նպատակով։

Հանդիպմանը քննարկվել են տարածաշրջանային հարցեր, այդ թվում՝ Ուկրաինայում տիրող իրավիճակը, ինչպես նաև փոխադարձ հետաքրքրություն ներկայացնող այլ հարցեր։

Caliber.Az

Դիտումներ: 53