Իդալգոն Երևանում է և երազում է Ղարաբաղի մասին
Caliber.Az-ի ազդանշանը ռուս խաղաղապահներին

Քաղաքականություն  27 Մայիսի 2022 - 12:51

Հայաստանի հանրահավաքային կյանքում փչեց փոփոխությունների քամին. «քարերի երկրի» մայրաքաղաք ժամանեց «ամենաբազմաչարչար ու հնագույն» ժողովրդի հին բարեկամն ու հովանավորներից մեկը՝ Փարիզի քաղաքապետ Անն Իդալգոն։ Այո, ոչ թե եկել է, այլ ժամանել պաշտոնական այցով: Հաղորդվում է, որ այցի ընթացքում Իդալգոն կհանդիպի Երևանի քաղաքապետ Հրաչյա Սարգսյանի հետ, ում հետ կքննարկեն Հայաստանի և Ֆրանսիայի մայրաքաղաքների հետագա համագործակցության հարցեր, ինչպես նաև ընթացիկ ծրագրերը։

Թե ում հետ է Հայաստանը բարեկամություն անում, և ով է այնտեղ այցելում աշխատանքային-պաշտոնական-կարեկցական այցերով, դա հայերի և նրանց այցելողների ներքին գործն է։ Բայց միայն այնքան ժամանակ, քանի դեռ չեն շոշափվում Ադրբեջանի շահերը։ Բարի գալուստ, Իդալգո – սա նույն դեպքն է: Ինչպես արդեն տեղեկացրել ենք Caliber.Az-ի էջերում, Իդալգոն, որը կրքոտ սեր է տածում հայերի և նրանց կողմից քարոզվող «միացում» առասպելի հանդեպ, նույնիսկ Ֆրանսիայի նախագահի թեկնածու առաջադրվելու ժամանակ (նրան չհաջողվեց դառնալ Ելիսեյան պալատի տանտիրուհին, քանի որ առաջին փուլում նա հավաքեց ձայների ծիծաղելի 1,75%-ը) ամպագոռգոռ ելույթներ է ունեցել՝ ի փառս հայ-ֆրանսիական բարեկամության և խոստացել այցելել Հայաստան և ... Ղարաբաղ։

Հաշվի առնելով Իդալգոյի և նրա «հայ ընկերների» կիրքը սադրանքների նկատմամբ, ինչպես նաև Փարիզում նրա տված խոստումը՝ հայտնվել Ադրբեջանի Ղարաբաղի մարզում, մենք հարկ ենք համարում այդ կապակցությամբ նախազգուշացնել ռուսական խաղաղապահ զորախմբի հրամանատարությանը: Բաքուն Ֆրանսիայի այս քաղաքացուն թույլ չի տվել այցելել ադրբեջանական տարածք։ Այս նախազգուշացումը ժամանակին է, որպեսզի հետո չստացվի, ինչպես Ֆրանսիայի նախագահի մեկ այլ թեկնածու Պեկրեսի դեպքում, ով ասեղի պես անցավ Լաչինում ռուս խաղաղապահների պահակակետի միջով։ Եվ եթե Իդալգոն, այնուամենայնիվ, ներթափանցի Լաչինի միջանցքով, ապա դրա պատասխանատվությունը ընկնելու է բացառապես ռուսական կողմի վրա։ Իսկ հետագա արդարացումներն այլևս չեն ընդունվի։

Caliber.Az

Դիտումներ: 170