ԱՄՆ-ը ողջունում է Հայաստանի և Ադրբեջանի միջև սահմանազատման գործընթացի մեկնարկը. Պետդեպ

Միացյալ Նահանգները ողջունում են Հայաստանի և Ադրբեջանի միջև սահմանազատման գործընթացի մեկնարկը։

Сaliber.Az-ի փոխանցմամբ՝ այդ մասին հայտարարել է ԱՄՆ Պետքարտուղարության պաշտոնական ներկայացուցչի առաջին տեղակալ Վեդանտ Պատելը:

«Մենք ողջունում ենք այն հայտարարությունը, որ Հայաստանն ու Ադրբեջանը պայմանավորվել են 1991 թվականի Ալմա-Աթայի Հռչակագիրն օգտագործել որպես սահմանագծման հիմք։ Սա կարևոր քայլ է տևական խաղաղության համաձայնագրի կնքման ճանապարհին», - ասել է նա։

Պատելը նաև նշել է, որ այս պահին Պետդեպարտամենտը որևէ հայտարարություն չունի ԱՄՆ Պետքարտուղարության կովկասյան բանակցությունների հարցերով ավագ խորհրդական Լուի Բոնապարտի տարածաշրջան մեկնելու հնարավորության վերաբերյալ։