Փոխգնդապետ Էլչին Ռաֆիև. Ադրբեջանական բանակի զինանոցը պատերազմից հետո զգալիորեն ընդլայնվել է

Ադրբեջանական ինքնաթիռների հնարավորությունների ցուցադրումը՝ «Անատոլիական արծիվ-2025» միջազգային զորավարժություններին մասնակցելու  գլխավոր նպատակներից մեկն է։
 
Report-ի հաղորդմամբ, այս մասին հայտարարել է ռազմական օդաչու, փոխգնդապետ Էլչին Ռաֆիևը։
 
Նրա խոսքով, նման զորավարժություններին մասնակցելը նաև թույլ է տալիս ուսումնասիրել այլ երկրների մարտավարությունը և տիրապետել ժամանակակից ռազմական տեխնիկայի օգտագործման կանոններին։ «Յուրաքանչյուր երկիր ցուցադրում է իր ավիացիայի հնարավորությունները։ 2020 թվականի Հայրենական պատերազմից հետո, նախագահ Իլհամ Ալիևի հանձնարարությամբ, մեր Զինված ուժերը անցան Թուրքիայի զինված ուժերի մոդելին, և մենք պարբերաբար համատեղ զորավարժություններ ենք անցկացնում Թուրքիայի հետ», - նշել է նա։
 
Փոխգնդապետը ընդգծել է, որ ադրբեջանական բանակի զինանոցը պատերազմից հետո զգալիորեն ընդլայնվել է: «Նման զորավարժությունները անհրաժեշտ են զենքի նոր տեսակները գործնականում սովորելու և օգտագործելու համար, քանի որ դա ավելացնում է մեր ստորաբաժանումների մարտունակությունը», - հավելել է «Ղարաբաղ» շքանշանով  պարգևատրված օդաչուն։
 
Նշենք, որ զորավարժություններին մասնակցում են ավելի քան 10 երկրներ։