Ադրբեջանցի օդաչուները թռիչքներ կիրականացնեն Թուրքիայում զորավարժություններում ԼՈՒՍԱՆԿԱՐ

Թուրքիայում շարունակվում են «Անատոլիական արծիվ 2025» միջազգային զորավարժությունները։
 
Report-ի հաղորդմամբ՝ զորավարժություններին մասնակցում են՝ Ադրբեջանի և Թուրքիայի, ինչպես նաև ԱՄՆ-ի, Կատարի, Հունգարիայի, Եգիպտոսի, Սաուդյան Արաբիայի, Հորդանանի և ՆԱՏՕ-ի ներկայացուցիչները։
 
Բացի այդ, Մալայզիայի, Բրազիլիայի, Բուլղարիայի, Մալիի և Նիգերիայի զինվորականները դիտորդի կարգավիճակով հետևում են զորավարժություններին։
 
Զորավարժությունների նպատակն է՝ իրական մարտական ​​​​պայմանների սցենարում բոլոր մասնակիցների գիտելիքների, հմտությունների և փորձի փոխանակումը և համատեղ գործողությունների համար պատրաստվածության մակարդակի բարձրացումը։
 
Թուրքիայի Քոնյա քաղաքում անցկացվող՝ «Անատոլիական արծիվ 2025» միջազգային զորավարժությունները լուսաբանվում են 34 երկրների լրատվամիջոցների ներկայացուցիչների կողմից։ Ուսումնական թռիչքները նկարահանել է ավելի քան 1100 լուսանկարիչ։
 
Նշենք, որ այսօր թռիչքներ կիրականացնեն նաև ադրբեջանցի օդաչուները։