Ջոնսոն. Հիմա ժամանակը չէ բանակցել և ուկրաինացիներին հորդորել համաձայնվել վատ խաղաղության

Մեծ Բրիտանիայի վարչապետ Բորիս Ջոնսոնը հայտարարել է, որ G7-ի երկրները և ՆԱՏՕ-ն չպետք է զիջումների գնան Ռուսաստանին՝ չնայած Ուկրաինայում կատարվածից «հոգնածությանը»։ Ըստ Ջոնսոնի՝ չարժե համաձայնել «վատ խաղաղության», քանի որ դա կարող է հրահրել ռազմական հակամարտության սրում։

Ջոնսոնը Ուկրաինայում տիրող իրավիճակը քննարկել է Ազգերի համագործակցության անդամ երկրների գագաթնաժողովին՝ Ռուանդա կատարած այցի ժամանակ։ «Ես դիմում եմ G7-ի իմ գործընկերներին և, մասնավորապես, ՆԱՏՕ-ին. հիմա ժամանակը չէ բանակցել և կոչ անել ուկրաինացիներին համաձայնվել վատ խաղաղության, խաղաղության՝ հանուն որի նրանց առաջարկում են զինադադարի դիմաց հրաժարվել իրենց տարածքից։ Կարծում եմ, որ դա աղետ կլիներ: Սա Պուտինի կողմից հետագա էսկալացիա կհրահրի»,- ասել է վարչապետը։