Հայաստանի դատախազության համակարգում խառնաշփոթ է. «Ժողովուրդ»

Հայաստանի իրավապահ համակարգում խառնաշփոթ է, որը պայմանավորված է նոր գլխավոր դատախազի նշանակման մասով:

Caliber.Az-ի փոխանցմամբ՝ այս մասին գրում է «Ժողովուրդ» թերթը:

«Մասնավորապես, համեմատություններ են արվում առ այն, որ Արթուր Դավթյանը ՀՀ դատախազության համակարգից է եղել, և տարբեր հարցերով կարողացել են նրա հետ զրուցել և ընդհանուր հայտարարի գալ շատ հարցերում, իսկ, ահա, Աննա Վարդապետյանը համակարգից չէ, ուստի գլխավոր դատախազի հետ կապը կտրվում է, և դատախազների համար առավել բարդ շրջան է սկսվում։

Չի բացառվում, որ շատ դատախազներ լքեն համակարգը։ Գլխավոր դատախազի տեղակալների մասով արդեն գրել էինք, որ նրանք կհեռանան», - գրում է թերթը: