Ադրբեջանի դեսպանը կանչվել է Ռուսաստանի ԱԳՆ

Ռուսաստանի Դաշնությունում Ադրբեջանի դեսպան Ռահման Մուստաֆաևը կանչվել է Ռուսաստանի արտաքին գործերի նախարարություն։

Ռուսաստանի արտաքին գործերի նախարարության տվյալներով՝ դեսպանին կանչելու պատճառը «Բաքվի ոչ բարեկամական գործողություններն» ու իբր ռուս լրագրողների անօրինական ձերբակալությունն է եղել։

Հիշեցնենք, որ «Սպուտնիկ-Ադրբեջան» գործակալության («Ռոսիա սեգոդնյա»-ի Բաքվի մասնաճյուղը) գրասենյակում ոստիկանության կողմից անցկացված գործողության ժամանակ ձերբակալվել են անձինք։

APA-ի կողմից ստացված տեղեկատվության համաձայն՝ ՆԳՆ-ի կողմից անցկացված գործողության ընթացքում ձերբակալվել են Ռուսաստանի անվտանգության դաշնային ծառայության (ԱԴԾ) երկու աշխատակիցներ, որոնք աշխատում էին այս գործակալությունում։

«Սպուտնիկ-Ադրբեջան»-ի գործունեությունը որոշ ժամանակ առաջ դադարեցվել էր։

Չնայած դրան, պարզվել է, որ գործակալությունը շարունակում է իր գործունեությունը, և նրա աշխատակիցները գնում են աշխատանքի։