Ակտաուում տեղի ունեցած ավիավթարի հետևանքով տուժած երեք ռուսաստանցիները շարունակում են մնալ հիվանդանոցներում

Ակտաուի մերձակայքում տեղի ունեցած մարդատար ինքնաթիռի վթարի հետևանքով տուժած վեց ռուսաստանցի դուրս է գրվել հիվանդանոցներից՝ առողջական վիճակի բարելավման պատճառով։ Երեք հոգի շարունակում են բուժվել Մոսկվայի հիվանդանոցներում և դաշնային կենտրոններում, նրանց վիճակը միջին ծանրության է:

Այս մասին ՏԱՍՍ-ին հայտնել է ՌԴ առողջապահության նախարարի օգնական Ալեքսեյ Կուզնեցովը:

«Ղազախստանում «Ադրբեջանական ավիաուղիներ»-ի ինքնաթիռի վթարի հետևանքով տուժած երեք ռուսաստանցիները շարունակում են մնալ Մոսկվայի հիվանդանոցներում և դաշնային կենտրոններում, նրանց վիճակը գնահատվում է միջին ծանրության՝ բարենպաստ կանխատեսմամբ», - ասել է նա։

Նրա խոսքով՝ տուժածներից վեցը, այդ թվում՝ մեկ երեխա, առողջական վիճակի բարելավման պատճառով դուրս են գրվել հիվանդանոցներից։